काभ्रे काभ्रे पाँचखाल न.पा. ८ पचास किलो स्थित अरनिको राजमार्ग सडक खण्डमा दोलालघाटबाट जिरो किलो तर्फ आउँदै गरेको बा.प्र. ०२-०३४ प. ३३२१ मोटरसाईकल आफै अनियन्त्रित भई बिपरित दिशाबाट आएको बा.३ ख. ७२०४ नं. को आईचर गाडि सँग ठोक्किई दुर्घटना भएको छ ।मंगलबार पाँचखाल-८ को ५० किलोमा भएको मोटरसाइकल र आइचर ठोक्किएकाे दुर्घटनामा मोटर साईकल चालक जिल्ला सिन्धुपाल्चोक ईन्द्रावति गाउपालिका वडा नं.७ बस्ने बस्ने बर्ष २८ को मुरारी कार्कीकाे उपचारको क्रममा धुलिखेल अस्पतालका डाक्टरले मृत घोषणा गरेको जानकारी प्राप्त भएको छ । मंगलबार भएको दुर्घटनामा एकजनाको मृत्यु र मोटरसाईकलकाे पछाडि सवार जिल्ला सिन्धुपाल्चोक ईन्द्रावति गाउपालिका ७ बस्ने राजन दङ्गाल घाइते भएको र उपचार भईरहेकाे जानकारी प्राप्त भएको छ। आईचर चालक जिल्ला काभ्रे भुम्लु गाउपालिका ४ बस्ने पुर्ण ब. लाई पाँचखाल प्रहरीले नियन्त्रणमा राखी हालको लागि यातायात दुबै तर्फ सुचारु रहेको पाँचखाल प्रहरीले बताएको छ ।
- धनेद्र पण्डित