काठमाडौँ । कोरिया जानका लागि रोजगार अनुमति प्रणाली काेरियन भाषा  ईपीएस परीक्षा दिन नपाएको आक्रोशमा काठमाडौंकाे बालकुमारीमा भएको आन्दोलनमा प्रहरीको गोली लागेर घाइते भएका अर्का युवा वीरेन्द्र शाहको मृत्यु भएको हो ।
यसअघि अर्का युवा सुजन रावतको पनि किष्ट अस्पतालमा उपचारका क्रममा मृत्यु भएको थियो ।वीरेन्द्र शाहको उपचारका क्रममा पाटन अस्पतालमा मृत्यु भएको हो ।प्रहरीका प्रवक्ता कुवेर कडायतले आन्दोलनको क्रममा उनीहरु घाइते  भएको र उपचारका क्रममा मृत्यु भएको बताए । प्रदर्शनमा उत्रिएका युवाहरुले सडक अवरुद्ध पार्दै सवारीसाधनमा आगजानी गरेका थिए ।प्रदर्शनमा उत्रिएकाप्रदर्शनकारीले भौतिक पूर्वाधार तथा यातायातमन्त्री प्रकाश ज्वालाको बा २ झ ५८६१ नम्बरको गाडी रोकेर उनीहरुले शुरुमा हावा खुस्काएका थिए । लगत्तै उनीहरुले गाडीमा आगजनी समेत गरेका थिए ।  आन्दोलन र  प्रदर्शनलाई नियन्त्रण गर्न प्रहरीले ५० जना भन्दा बढी पक्राउ परेका छन् । 

कसरी सरु भयो आन्दोलन ?
शुक्रबार बिहान ग्वार्कोस्थित ईपीएस कार्यालयमा ईपीएस कोरिया शाखाले उत्पादनमूलक क्षेत्रका लागि आवेदन आह्वान गरेको थियो । त्यसमा यसअघि सिप बिल्डिङ क्षेत्रका लागि आवेदन दिएकाहरूलाई आवेदन दिन नपाउने भनिएको थियो ।यो विषयमा उच्च अदालत पाटनमा  मुद्दा समेत दायर गरिएको थियो । जसमा सुरज पाठकसहित १८ जनालाई आवेदन फाराम भर्न दिन र सबै प्रक्रियामा सहभागी गराउन अन्तरिम आदेश जारी गरेको थियो । अदालतको अन्तरिम आदेश जारी भएपछि ईपीएस कोरिया शाखाले आज फाराम भर्नका लागि  सुरज पाठकसहित १८ जनालाई कार्यालयमा सम्पर्क गर्न सूचना जारी गरेको थियो । तर १८ जना बाहेक प्रक्रियामा सहभागी नहुने भए पछि  बाकी युवाहरू भेला भएर आन्दोलन थालेका थिए । उत्पादनमूलक क्षेत्रका लागि आवेदन दिन नपाएको भन्दै उनीहरु आन्दोलित भएका हुन् । 
ईपीएस कोरिया शाखा कार्यालयका निर्देशक गुरूदत्त सुवेदीले अदालतको आदेश अनुसार १८ जनालाई आवेदन फाराम भर्न सहभागी गराएको बताए । सिप बिल्डिङ क्षेत्रका लागि आवेदन दिएर अनुत्तीर्ण भएका २८ हजार भन्दा बढी छन् । उनीहरूलाई उत्पादनमूलक क्षेत्रको लागि आवेदन फाराम भर्न रोक लगाएको र केहीले मात्र आवेदन दिने भएपछि आन्दोलन सुरुभएकाे हाे ।

• धनेद्र पण्डित