काभ्रे — बनेपा नगरपालिका-९ का वडाध्यक्ष नृपेश बादेलाई बुधबार अख्तियार दुरुपयोग अनुसन्धान आयोगले १५ लाख घुससहित नियन्त्रणमा लिएको छ ।
घर बाटो सिफारिस बनाउने प्रयोजनको लागि १५ लाख घुस लिइसकेको अवस्थामा बनेपा नगरपालिका-९ का वडाध्यक्ष ४२ वर्षीय नृपेश बादेलाई बुधबार भक्तपुर जिल्लाको मध्यपुर ठिमी नगरपालिका-३ गठ्ठाघरबाट नियन्त्रणमा लिएको अख्तियारले जानकारी दिएको छ ।
उनी नेपाली कांग्रेसबाट निर्वाचित हुन् ।वडाध्यक्ष बादेसँगै सिन्धुपाल्चोक बाह्रबिसे नगरपालिका वडा न. ७ मिलनटारका ३१ वर्षीय पदमबहादुर प्रधानलाई बा ७ च १२९ न. को कार सहित नियन्त्रणमा लिएको जानकारी प्राप्त भएको छ ।
- धनेद्र पण्डित