काभ्रे । पाँचखालमा विहिबार विहान ८ः३० बजेको समयमा अरनिको राजमार्ग सडक खण्ड पाँचखाल नगरपालिका वडा नं ६ हनुमान गडीमा खाँवा तर्फबाट पाँचखाल तर्फ जादै गरेको बा ८७ प ६४१ नं. को मोटरसाईकल दुर्घटना भएको जिल्ला प्रहरी कार्यालय काभ्रेपलाञ्चोकले जानकारी गराएको छ । पाँचखाल नगरपालिका वडा नं ६ हनुमान गडी काे घुम्तीमा मोटरसाईकल र डिब्बा एक आपसमा ठक्कर खाँदा मोटर साईकल चालक रुपक खत्रीको मृत्यू भएको हाे ।
यात्रुवाहक बसलार्ई ओभरटेक गर्ने क्रममा विपरित दिसाबाट आएको प्र. ३– ०१– ००५ ख ९७०३ नं. को डिब्बा गाडिमा ठक्कर खाँदा मोटरसाईकल चालक काभ्रेपलाञ्चोक जिल्ला पनौती न.पा १२ बस्ने अं. बर्ष ३४ रुपक खत्रीको घटनास्थलमा नै मृत्यु भएको प्रहरीले जनाएको छ ।
सडक दुर्घटना पश्चाद अवरुद्ध भएको राजमार्ग हाल सञ्चालन भएको छ । मृतकका आफन्त घटनास्थल पुगेपछी शव उठाउने कार्यका साथै अबरुद्ध राजमार्ग सञ्चान भएको जानकारी प्राप्त भएको छ ।
- रामकृष्ण तिमल्सिना
