काभ्रे । उज्यालो नेपालकाे नायक नेपाल विद्युत प्राधिकरणका कार्यकारी निर्देशक कुलमान घिसिङलाई
सोमबार बसेको केपी ओली सरकारको मन्त्रिपरिषद् बैठकले कार्यकारी निर्देशक पदबाट हटाउने निर्णय गरेको छ । कुलमान घिसिङलाई नेपाल विद्युत प्राधिकरणकाे कार्यकारी निर्देशक पदबाट हटाउने निर्णय गरेको ओली सरकारको मन्त्रिपरिषद्ले प्राधिकरणकाे कार्यकारी निर्देशकमा हितेन्द्रदेव शाक्य लाई नियुक्ति दिएको छ।
ऊर्जा मन्त्री दीपक खड्का र घिसिङबीच सम्बन्ध बिग्रिएको समाचार सार्वजनिक भए संगै घिसिङको कामकारबाहीप्रति चित्त नबुझेको भन्दै सरकारले पटकपटक स्पष्टीकरण सोधेको थियो ।नौ महिनासम्म सरकारले पटकपटक स्पष्टीकरण लिएकाेमा पाँचौँपटक घिसिङले केही दिनअघि मात्रै स्पष्टीकरण दिएका थिए ।
पछिल्लोपटक मन्त्री खड्काले आफू वा कुलमान रोज्नू भनेपछि घिसिङलाई हटाउन सरकार बाध्य भएको एक अधिकारीले बताए । सोमबार बेलुकी बसेको मन्त्रिपरिषद् बैठकले घिसिङलाई पदमुक्त गरेको हो ।
- सुशील राज गिरी
