Breaking News

प्रहरीकै ३६ रोपनी जग्गा हडप्ने प्रयास

  •   ६ महिना अघि | १२ भदौ २०८०, मङ्लबार

काठमाडौं । काभ्रेको पनौतीमा राष्ट्रिय प्रशिक्षण प्रतिष्ठानको निर्माणाधीन भवनको जग्गा हिनामिनाको प्रयास भएको छ । किर्ते कागजपत्रका आधारमा बालुवाटारस्थित ललिता निवास परिसरको सरकारी जग्गा व्यक्तिका नाममा लगिएकै शैलीमा प्रहरीकै ३६ रोपनी जग्गा व्यक्तिले हत्याउने प्रयास भइरहेको खुलेको हो ।

वन क्षेत्रमा पर्ने कुल ४१.८६ हेक्टर जग्गामा प्रतिष्ठानको भवन निर्माण हुन लागेको मध्ये ३६ रोपनी जग्गा व्यक्तिको नाममा लैजाने प्रयास भएको हो । नेपाल सरकारले ०५२ सालमै नेपाल प्रहरीलाई भोगचलनका लागि अधिकार दिएको थियो । तर, प्रहरीले भोगचलन गरिरहेकै अवस्थामा स्थानीय पुष्करबहादुर बस्नेतले उक्त जग्गा आफ्नो दाबी गर्दै सर्वाेच्चमा मुद्दा हालेका छन् ।

उनले जग्गा आफ्नो नाममा दर्ताको माग गरी सर्वोच्चमा मुद्दा हालेपछि प्रहरी प्रतिष्ठानले पनि केही दिनअघि सिआइबीमा जाहेरी दिएको छ । आन्तरिक छानविनका क्रममा बस्नेतले मालपोत र नापी कार्यालयकै नक्कली कागजपत्र तयार पारी हत्याउने प्रयास गरेको प्रतिष्ठानको दाबी छ ।

  • Chhadke Online

थप