काभ्रे काठमाडौं महानगरपालिकामा प्रमुख प्रशासकीय अधिकृत सरोज गुरागाईं हाजिर हुन आउने सुचना पाए संगै काठमाडौं महानगरपालिकामा आज कार्यालय समयदेखिनै लफडा चल्यो । प्रमुख प्रशासकीय अधिकृत कार्यालय प्रवेश गरे तर कार्यकक्षमा पस्न पाएनन् ।काठमाडौं महानगरपालिकाका प्रमुख बालेन शाहले ताला लगाउन लगाएर चाबी लिएर गएको आरोप कर्मचारीहरुको लगाएका थिए ।महानगरमा कर्मचारी आन्दोलित भइरहँदा बालेन शाह आज काभ्रेपलाञ्चोक जिल्ला पुगेका थिए । उनी काभ्रेको पाँचखाल नगरपालिकाकाे केराघारीस्थित एक लस्सी सेन्टरमा लस्सि खाना पुगेको जानकारी प्राप्त भएको छ।बिहान ९-१० बजेको समयमा आउनु भएको थियो,’ हाेटल संचालक साेभा गिरीले भन्नुभयाे, ‘हतारमा हुनुहुन्थ्यो होला धेरै समय बस्नु भएन । यहाँबाट कता जानु भयो थाहा भएन ।पाँचखाल केराघारी एसएल अर्गानिक कफी एन्ड लस्सी सेन्टरमा पुगेका बालेन लस्सी खाएर निस्किएका थिए ।बालेनको अनुपस्थितिमा बसेको बैठकले प्रशासकीय अधिकृत लाई हाजिर गराउने निर्णय गर्यो र ढोका फोरेर प्रमुख प्रशासकीय अधिकृतले हाजिर गरे ।कर्मचारीले ३ महिनायता प्रमुख प्रशासकीय अधिकृत नभएकाले तलब पाउन नसके पनि मेयर शाह भने सामाजिक सञ्जालमा स्टाटस लेखेर भाग्न खोजेको र कर्मचारीको बेवास्ता गरेको भन्ने आरोप लाग्यो । महानगर उपप्रमुख सनिता डंगोलले नै सामाजिक सञ्जालमा लेख्ने मात्र नभएर कार्यालयमै उपस्थित भएर बालेनले समस्या समाधान गर्नु पर्ने बताएकी थिइन् ।
- सुशील राज गिरी
